ပလောက်မြို့ ၊ အမှတ် ၁ ရပ်ကွက်၊ ဗဟိုလမ်းတွင်ရှိသော နယူးစတိုင် ကုန်စုံဆိုင်နှင့် ယင်းဆိုင်နံဘေးရှိ ပျဥ်ထောင် အိမ်တစ်လုံး ဒီဇင်ဘာလ ၂၁ ရက် ညနေပိုင်းက မီးလောင်ကြောင်း မြို့ခံများနှင့် မီးသတ်ဦးစီးဌာနထံမှ သိရသည်။ ဝါယာရှော့ဖြစ်ရာမှ မီးလောင်ခြင်းဖြစ်ပြီး မီးလောင်မှုအတွင်း လူထိခိုက်မှု မရှိကြောင်း မီးသတ်ဦးစီးဌာနက ထုတ်ပြန်ထားသည်။ မီးလောင်မှုကို ပလောက်မြို့နယ် မီးသတ်တပ်ဖွဲ့နှင့် ရပ်ကွက်နေသူများ ဝိုင်းဝန်း၍ မီးငြှိမ်းသတ်ခဲ့ကြောင်း ဆိုသည်။
