ရန်ကုန်မြို့၊ ဗိုလ်တထောင်စေတီတော်မြတ်ကြီးရှိ ဆိပ်ကမ်းလုပ်သားပေါင်းစုံဓမ္မာရုံ၌ ဒီဇင်ဘာ ၂၀ ရက် နံနက်ပိုင်းက စေတီတော်ဝန်ထမ်းများနှင့် ဘုရားဖူးပြည်သူများ စုပေါင်း၍ ဒါနဥပပါရမီ သွေးလှူဒါန်းပွဲ ကျင်းပခဲ့ရာ သွေးပုလင်းစုစုပေါင်း (၁၂၃) ပုလင်း ရရှိခဲ့ပြီး ရန်ကုန်ပြည်သူ့ဆေးရုံကြီး သွေးလှူဘဏ်သို့ လွှဲပြောင်းလှူဒါန်းခဲ့သည်။ အဆိုပါ သွေးလှူဒါန်းပွဲတွင် စေတီတော်ဂေါပကအဖွဲ့နှင့် အလှူရှင်များက သွေးလှူရှင်များအား အာဟာရမုန့်များ၊ အချိုရည်များနှင့် အမှတ်တရလက်ဆောင်များကို ဂုဏ်ပြုကျွေးမွေးလှူဒါန်းခဲ့ကြကြောင်း သိရသည်။
