မန္တလေးတိုင်းဒေသကြီး၊ သာစည်မြို့နယ်တွင် တောင်ကြီးဘက်မှမောင်းနှင်လာသော ဘိလပ်မြေတင်ဆောင်လာသည့် တွဲကား(၁)စီး ဘရိတ်ပေါက်၍ အရှိန်မထိန်းနိုင်ဘဲ လမ်းယာဘက်ရှိ ချောက်ထဲသို့ ထိုးကျတိမ်းမှောက်မှုဖြစ်ပွား

၂၀.၁၂.၂၀၂၅ ရက်နေ့၊ ၁၂ နာရီ၃၀ မိနစ်အချိန်ခန့်၊ မန္တလေးတိုင်းဒေသကြီး၊ သာစည်မြို့နယ်၊ ယင်းမာပင်ကျေးရွာအနီး၊ မိတ္ထီလာ-တောင်ကြီးကားလမ်း၊ မိုင်တိုင်အမှတ်(၃၃/၀)တွင် တောင်ကြီးဘက်မှမောင်းနှင်လာသော ဘိလပ်မြေတင်ဆောင်လာသည့် တွဲကား(၁)စီး ဘရိတ်ပေါက်၍ အရှိန်မထိန်းနိုင်ဘဲ လမ်းယာဘက်ရှိ ချောက်ထဲသို့ ထိုးကျတိမ်းမှောက်မှုဖြစ်ပွားကြောင်း သတင်းရရှိသဖြင့် သာစည်မြို့နယ်မီးသတ်စခန်းမှ ရှာဖွေကယ်ဆယ်ရေးတပ်ဖွဲ့ဝင်များ၊ သက်ဆိုင်ရာအဖွဲ့အစည်းများနှင့် ပူးပေါင်း၍ ရှာဖွေကယ်ဆယ်ရေးလုပ်ငန်းများ ထွက်ခွာဆောင်ရွက်ခဲ့ပါသည်။ အဆိုပါယာဉ်တိမ်းမှောက်မှုကြောင့် ကားခေါင်းခန်းတွင် ပိတ်မိနေသူ မ(၁)ဦး ထိခိုက်ဒဏ်ရာရ(မစိုးရိမ်ရ)အား ၁၄ နာရီ၅၀ မိနစ်အချိန်တွင် ကယ်ဆယ်ရွှေ့ထုတ်နိုင်ခဲ့ပါသည်။