ပြည်တွင်းရွှေဈေး စံချိန်တင်မြင့်တက်ပြီး အခေါက်ရွှေတစ်ကျပ်သားလျှင် ကျပ်သိန်း ၉၀ သို့ ရောက်ရှိ

ပြည်တွင်းရွှေဈေးကွက်အတွင်း အခေါက်ရွှေတစ်ကျပ်သားလျှင် ကျပ်သိန်း ၉၀ အထိ စံချိန်တင်မြင့်တက်လာကြောင်း ဒီဇင်ဘာ ၂၀ ရက် နံနက်ပိုင်း ရွှေဈေးနှုန်းများအရ သိရသည်။ တစ်နှစ်ပတ်လုံး ကျပ် ၈၀ သိန်းကျော်အဆင့်တွင်သာ အမြင့်ဆုံးရှိခဲ့ရာမှ ယခုအခါ သိန်း ၉၀ အထိ ပထမဆုံးအကြိမ် ရောက်ရှိလာခြင်းဖြစ်ပြီး ၁၅ ပဲရည်ရွှေဈေးမှာလည်း တစ်ကျပ်သားလျှင် ၈၆ သိန်းကျပ်အထိ ပေါက်ဈေးရှိနေကြောင်း ရွှေလုပ်ငန်းရှင်များ၏ ပြောကြားချက်အရ သိရသည်။