၂၀၂၆ ပညာသင်နှစ်အတွက် အဝေးသင်သင်တန်းများ ကျောင်းဝင်မှတ်ပုံတင်ရမည့်ရက်များ ကြေညာ

၂၀၂၆ ပညာသင်နှစ်အတွက် တက္ကသိုလ်နှင့် ဒီဂရီကောလိပ်များ၏ အဝေးသင်သင်တန်းများ ကျောင်းအပ်နှံခြင်းကို ပထမနှစ် ကျောင်းသား၊ ကျောင်းသူများအတွက် ၂၀၂၅ ခုနှစ်၊ ဒီဇင်ဘာလ ၂၉ ရက်မှ ၂၀၂၆ ခုနှစ်၊ မတ်လ ၃၁ ရက်အထိ လည်းကောင်း၊ ဒုတိယနှစ်နှင့်အထက် ကျောင်းသား၊ ကျောင်းသူများအတွက် ၂၀၂၆ ခုနှစ်၊ ဖေဖော်ဝါရီလ ၄ ရက်မှ မေလ ၁၅ ရက်အထိ လည်းကောင်း သတ်မှတ်ထားကြောင်း သိရသည်။ အဝေးသင်တက္ကသိုလ် တက်ရောက်မည့်သူများအနေဖြင့် မိမိတို့ဖြေဆိုရမည့် နှစ်အလိုက် သတ်မှတ်ထားသောရက်များအတွင်း အချိန်မီ ကျောင်းအပ်နှံနိုင်ရန် ပညာရေးဝန်ကြီးဌာနက နှိုးဆော်ထားသည်။