ဆာရီနာဝိဂ်မန်း နယ်သာလန်၏ အကောင်းဆုံးနည်းပြဆုကို ပထမဆုံးအကြိမ် ဆွတ်ခူးနိုင်သည့် အမျိုးသမီးအဖြစ် မှတ်တမ်းတင်

အင်္ဂလန်အမျိုးသမီး လက်ရွေးစင်အသင်း၏ နည်းပြဖြစ်သူ ဆာရီနာဝိဂ်မန်းသည် နယ်သာလန်အိုလံပစ်ကော်မတီက ချီးမြှင့်သည့် ၂၀၂၅ ခုနှစ်အတွက် အကောင်းဆုံးဘောလုံးနည်းပြဆုကို အမျိုးသားနည်းပြများကို ကျော်ဖြတ်ကာ ပထမဆုံးအမျိုးသမီးနည်းပြအဖြစ် မှတ်တမ်းတင် ဆွတ်ခူးနိုင်ခဲ့သည်။ ဆာရီနာဝိဂ်မန်းသည် ၂၀၂၅ ခုနှစ်အတွင်း အင်္ဂလန်အသင်းကို ယူရိုချန်ပီယံဆု ရယူပေးနိုင်ခဲ့သည့်အပြင် Ballon d'Or၊ FIFA The Best နှင့် BBC Sports Personality of the Year အကောင်းဆုံးနည်းပြဆုများကိုပါ သိမ်းပိုက်ထားနိုင်သူဖြစ်သည်။ ဆုပေးပွဲအခမ်းအနားတွင် ၎င်းက မိမိအနေဖြင့် မျိုးဆက်သစ် အမျိုးသမီးနည်းပြများအတွက် စိတ်ဓာတ်တက်ကြွစေမည့် လှုံ့ဆော်မှုများ ပေးစွမ်းနိုင်သူဖြစ်လိုကြောင်း ပြောကြားခဲ့သည်။