ကယားပြည်နယ်မှ နေရပ်စွန့်ခွာခဲ့ရသည့် ဝန်ထမ်းများနှင့် ပြည်သူများအတွက် (၄) ကြိမ်မြောက်ထောက်ပံ့ငွေပေးအပ်

ကယားပြည်နယ်အတွင်းမှ နေရပ်စွန့်ခွာခဲ့ရသည့် ဝန်ထမ်းများနှင့် မိသားစုဝင်များ၊ ပြည်သူများအတွက် အမျိုးသားသဘာဝဘေး အန္တရာယ်ဆိုင်ရာ စီမံခန့်ခွဲမှု ရန်ပုံငွေမှ စတုတ္ထအကြိမ် ထောက်ပံငွေပေးအပ်ခြင်းကို ယမန်နေ့ ဒီဇင်ဘာ (၁၈) ရက်က ကျင်းပခဲ့ကြောင်း သိရသည်။ဇူလိုင်၊ ဩဂုတ်နှင့် စက်တင်ဘာ (၃) လစာအတွက် (၄) ကြိမ်မြောက် ထောက်ပံငွေပေးအပ်ခဲ့ခြင်းဖြစ်ပြီး နေအိမ်ထိခိုက်ပျက်ဆီးခဲ့ရသည့် ပြည်သူများကိုလည်း အိမ်ဆောက်ပစ္စည်းဖိုး၊ ဆန်ရိက္ခာဖိုးနှင့် ထောက်ပံငွေနှင့် ကယ်ဆယ်ရေးပစ္စည်းများပေးအပ်ခဲ့ခြင်းလည်း ဖြစ်သည်။