မြစ်ကြီးနား-မန္တလေး ကားလမ်းပိုင်း ကျောက်တန်းဂိတ်၌ လမ်းများ လုံးဝပိတ်ဆို့နေဆဲဖြစ်၍ ခရီးမသွားကြရန် အရေးပေါ်သတိပေးနှိုးဆော်

မြစ်ကြီးနား-မန္တလေး လမ်းပိုင်းရှိ မြစ်ကြီးနား-ရွှေဘို ကားလမ်းမကြီးပေါ်တွင် ဒီဇင်ဘာ ၁၉ ရက်အထိ အတက်အဆင်းယာဉ်များအားလုံး လုံးဝပိတ်မိနေပြီး လမ်းခရီးအခြေအနေ ဆိုးရွားလျက်ရှိကြောင်း သိရသည်။ အထူးသဖြင့် ကျောက်တန်းဂိတ်မှစတင်၍ လမ်းကြောင်းအားလုံးကို တင်းကျပ်စွာ ပိတ်ထားခြင်းဖြစ်ပြီး မည်သည့်အချိန်တွင် ပြန်လည်ဖွင့်လှစ်ပေးမည်ကို အတည်မပြုနိုင်သေးသည့်အတွက် ခရီးသွားပြည်သူများနှင့် ယာဉ်မောင်းများအနေဖြင့် လမ်းခရီး၌ ရက်ရှည်ပိတ်မိပြီး ဒုက္ခရောက်နိုင်သည့် အခြေအနေများကြောင့် အရေးတကြီးမဟုတ်ပါက ယခုရက်ပိုင်းအတွင်း အဆိုပါလမ်းပိုင်းသို့ ခရီးမသွားကြရန် အရေးပေါ် သတိပေးနှိုးဆော်ထားကြောင်း သိရသည်။