မကွေးတိုင်း၊ဆင်ပေါင်ဝဲမြို့နယ် ကိုးပင် မူလတန်းကြိုကျောင်း၌ကာယစွမ်းရည်ပြိုင်ပွဲနှင့် ဆုချီးမြှင့်ပွဲ အခမ်းအနား ကျင်းပ

မကွေးတိုင်းဒေသကြီး၊ အောင်လံခရိုင်၊ ဆင်ပေါင်ဝဲမြို့နယ် ကိုးပင်ကျေးရွာ လူမှုဝန်ထမ်းဦးစီးဌာန၏ မူလတန်းကြိုကျောင်း၌ ကာယစွမ်းရည်ပြိုင်ပွဲနှင့် ဆုချီးမြှင့်ပွဲ အခမ်းအနားကို ယမန်နေ့ နံနက်ပိုင်းအချိန်က အဆိုပါကျောင်းခန်းမ၌ ကျင်းပပြုလုပ်ရာ ကိုးပင်မူလတန်းကြိုကျောင်း၏ သမီးငယ်များကအာရှမြန်မာသီချင်းဖြင့် ဖွင့်လှစ်ပေးခဲ့ကြောင်း သိရသည်။ထို့နောက်းပင်မူလတန်းကြိုကျောင်းမှ ဆရာ၊ ဆရာမများ၊ ဌာနဆိုင်ရာများ၊တာဝန်ရှိသူများနှင့် မိဘပြည်သူများအား မူလတန်းကြိုကျောင်း အကြီးတန်းနှင့် အငယ်တန်းတို့မှ သားငယ်၊ သမီးငယ်များက ပိန်ပေါင်ခြင်းထည့်၊ချိုချဥ်ကိုက်၊ ဂုဏ်နီအိတ်စွပ်၊ ဖိနပ်စီး၊ စကောရွက် စသည့် ကစားနည်းပြိုင်ပွဲတို့ဖြင့် ပါဝင်ယှဥ်ပြိုင်ခဲ့ကြကြောင်း သိရသည်။