ဒီဇင်ဘာ ၂၁ ရက်တွင် ထိုင်း၌ ညတာအရှည်ဆုံးဖြစ်မည်

လာမည့် ၂၀၂၅ ခုနှစ်၊ ဒီဇင်ဘာလ ၂၁ ရက်နေ့သည် ကမ္ဘာ့မြောက်ဘက်ခြမ်း၌ နေ့တာအတိုဆုံးနှင့် ညတာအရှည်ဆုံးဖြစ်ပေါ်သည့် "ဆောင်းယဉ်စွန်းချိန်" (Winter Solstice) ကျရောက်မည့်နေ့ဖြစ်ပြီး ထိုင်းနိုင်ငံတွင် ညအချိန်သည် ၁၂ နာရီနှင့် ၄၁ မိနစ်အထိ ကြာမြင့်မည်ဖြစ်သည်။ ဤဖြစ်စဉ်သည် ကမ္ဘာ့ဝင်ရိုး 23.5ဒီဂရီ ယိမ်းစောင်းနေမှုကြောင့် ဖြစ်ပေါ်လာခြင်းဖြစ်ပြီး ယင်းနေ့တွင် ကမ္ဘာ့မြောက်ဘက်ခြမ်း၌ ဆောင်းရာသီစတင်ကာ တောင်ဘက်ခြမ်း၌ နွေရာသီသို့ စတင်ဝင်ရောက်မည်ဖြစ်သည်။ နေသည် အရှေ့တောင်ဘက်အစွန်ဆုံးမှ ထွက်ပေါ်ကာ အနောက်တောင်ဘက်အစွန်ဆုံးသို့ ဝင်ရောက်မည်ဖြစ်ရာ ဘန်ကောက်မြို့၌ နေ့တာသည် ၁၁ နာရီနှင့် ၁၉ မိနစ်သာရှိတော့မည်ဖြစ်သဖြင့် နေထွက်နောက်ကျပြီး နေဝင်စောသည့် ရာသီဥတုအကူးအပြောင်းကို သိသာစွာ မြင်တွေ့ရမည်ဖြစ်ကြောင်း သိရသည်။