နယ်စပ်တွင် အပစ်အခတ်ရပ်စဲရေးအတွက် ကမ္ဘောဒီးယားကိုသာ ဦးတည်တောင်းဆိုသင့်ကြောင်းနှင့် ထိုင်းနိုင်ငံသည် မည်သည့်အခါကမှ စတင်ပစ်ခတ်ခဲ့ခြင်းမရှိဘဲ ရန်စမှုများကို တုန့်ပြန်ဆောင်ရွက်ခဲ့ခြင်းသာဖြစ်ကြောင်း ထိုင်းဝန်ကြီးချုပ် အနူတင် ချန်ဗီရာကူလ်က အခိုင်အမာပြောကြားခဲ့သည်။ အင်္ဂါနေ့က နိုင်ငံတော်လုံခြုံရေးကောင်စီအစည်းအဝေးပြီး ပြောကြားခဲ့ရာ၌ ထိုင်းသည် လက်နက်ကြီးများကို အသုံးပြုကာတို-က်ခို-က်နေသည်ဟူသော ကမ္ဘောဒီးယား၏ ပြောကြားချက်ကို မစ္စတာအနူတင်က ပယ်ချခဲ့ပြီး အိမ်နီးချင်းနိုင်ငံသည် ထိုင်းနယ်မြေအတွင်းကို ဘီအမ်-၂၁ ရော့ကက်များပစ်ခတ်ခဲ့ကြောင်းနှင့် နှစ်ဖက်အသုံးပြုခဲ့သော လက်နက်များကို နှိုင်းယှဉ်ကြည့်ရန် လေ့လာစောင့်ကြည့်သူများကို တိုက်တွန်းခဲ့သည်။
