ထိုင်းစစ်တပ် အဆက်မပြတ် ဗုံးကြဲတိုက်ခိုက်မှုကြောင့် ကမ္ဘောဒီးယားပြည်သူ ၁၇ ဦး ထပ်မံ သေဆုံးကာ ၇၇ ဦး ဒဏ်ရာရ

ထိုင်းစစ်တပ်က ကမ္ဘောဒီးယား ပိုင်နက်နယ်မြေအပေါ် အဆက်မပြတ် ဗုံးကြဲမှုနှင့် တိုက်ခိုက်မှုများ လုပ်ဆောင်ခြင်းကြောင့် ကမ္ဘောဒီးယား အရပ်သားပြည်သူ ၁၇ ဦးသေဆုံးကာ ၇၇ ဦး ဒဏ်ရာရရှိခဲ့ကြောင်း ကမ္ဘောဒီးယားနိုင်ငံ ကာကွယ်ရေးဝန်ကြီးဌာန ပြောရေးဆိုခွင့်ရှိသူ Maly Socheata က ဒီဇင်ဘာ ၁၇ ရက်တွင် သတင်းစာရှင်းလင်းပွဲ၌ ပြောကြားခဲ့သည်။ဒီဇင်ဘာ ၁၇ ရက် နံနက်ပိုင်းမှစ၍ ထိုင်းစစ်တပ်သည် တင့်ကားစက်သေနတ်၊ ဒရုန်း၊ အမြောက်နှင့် F-16 တိုက်လေယာဉ်များဖြင့် ကမ္ဘောဒီးယားနိုင်ငံ Oddar Meanchey ၊ Banteay Meanchey နှင့် Pursat ပြည်နယ်များရှိ ပစ်မှတ်များစွာကို တိုက်ခိုက်မှု လုပ်ဆောင်ခဲ့ကြောင်း၊ ဒီဇင်ဘာ ၁၇ ရက်အထိ ပဋိပက္ခအတွင်း သေဆုံးခဲ့သည့် ကမ္ဘောဒီးယား အရပ်သားပြည်သူပေါင်း ၁၇ ဦး ရှိလာပြီဖြစ်ကာ ဒဏ်ရာရသူဦးရေသည် ၇၇ ဦးအထိ မြင့်တက်လာကြောင်း ၎င်းက ပြောကြားခဲ့သည်။