ရခိုင်ပြည်နယ်၊စစ်တွေမြို့တွင် လောင်စာဈေးနှုန်းများ အဆမတန် မြင့်တက်နေ

ရခိုင်ပြည်၊ စစ်တွေမြို့တွင် ထင်းနှင့် မီးသွေးဈေးနှုန်းများ အဆမတန် မြင့်တက်နေကြောင်း ဒေသခံများထံမှသိရသည်။လက်ရှိ စစ်တွေမြို့တွင် မီးသွေးတစ်အိတ်ကို ငွေကျပ် ၆၀,၀၀၀ အထိဈေးနှုန်းမြင့်တက်နေပြီး ထင်းတစ်ချောင်းကိုလည်း ငွေကျပ် ၁,၀၀၀ နီးပါး ပေးဝယ်နေရကြောင်း သိရသည်။မီးသွေးဈေးနှုန်း အဆမတန်မြင့်တက်နေသည့်အပြင် ထင်းချောင်းရေ ၄၀၀ ပါရှိသည့် တွန်းလှည်းတစ်စီးကို ငွေကျပ် ၅ သိန်း အထိဈေးနှုန်းရှိနေသဖြင့် ဆန်ရှိသော်လည်း လောင်စာမရှိသည့် အခြေအနေနှင့်ကြုံနေရကြောင်း မြို့ခံများကပြောသည်။ထို့ကြောင့် မြို့တွင်းမြိုပြင်ရှိ လူမနေသည့်နေအိမ်များကိုဖြိုဖျက်ကာ ထင်းအဖြစ်သုံးစွဲရောင်းချမှုကိုလည်း ယခင်ထက် ပိုမိုလုပ်ဆောင်နေကြကြောင်းသိရသည်။