စင်ကာပူ Jurong West တွင် ဘတ်စ်ကားနှစ်စီး တိုက်မှုဖြစ်ပွားပြီး လူ ၄၄ ဦး ဒဏ်ရာရရှိကာ ဆေးရုံသို့ ပို့ဆောင်ထားရ

စင်ကာပူနိုင်ငံ၊ ဇူရောင်းအနောက်ပိုင်း Jurong West တွင် ဒီဇင်ဘာ၁၆ရက် နံနက်ပိုင်းက ဘတ်စ်ကားနှစ်စီး တိုက်မှုဖြစ်ပွားခဲ့ရာ လူ ၄၄ ဦး ဒဏ်ရာရရှိခဲ့ပြီး ဆေးရုံသို့ တင်ပို့ကုသခဲ့ရကြောင်း သိရသည်။ ဖြစ်စဉ်မှာ လမ်းဘေးတွင် ရပ်နားထားသော ဘတ်စ်ကားအမှတ် ၉၉ ကို ဘတ်စ်ကားအမှတ် ၉၈ က နောက်မှ ဝင်တိုက်မိခဲ့ခြင်းဖြစ်ပြီး၊ အမှတ် ၉၈ ယာဉ်မောင်းမှာ ထိုင်ခုံကြားတွင် ညပ်နေခဲ့သဖြင့် မီးသတ်နှင့် ကယ်ဆယ်ရေးဌာန (SCDF) မှ ဟိုက်ဒရောလစ်ကိရိယာများ အသုံးပြုကာ ခက်ခဲစွာ ကယ်တင်ခဲ့ရသည်။