ဆီးဂိမ်း E-Sports Arena of Valor (AOV) ပြိုင်ပွဲမှာ ထိုင်းအမျိုးသမီးကစားသမား နာဖက်ဝါရာဆင် (ကစားသမားအမည် Tokyogurl) ဟာ တရားမဝင် ဆော့ဖ်ဝဲလ်အသုံးပြုပြီး သူ့နေရာမှာ အမျိုးသားတစ်ဦးကို နောက်ကွယ်က ကစားစေကြောင်း စုံစမ်းတွေ့ရှိတာကြောင့် ပြိုင်ပွဲက အထုတ်ခံခဲ့ရပါတယ်။ ထိုင်း E-Sports အဖွဲ့ချုပ်က Tokyogurl ကို ဆီးဂိမ်း AOV ပြိုင်ပွဲဝင်အသင်းက ထုတ်ပယ်လိုက်ကြောင်း တရားဝင် ထုတ်ပြန်ခဲ့သလို သူ့ရဲ့ကလပ်အသင်း TALON ကလည်း ဒီဇင်ဘာ ၁၆ရက်ကစပြီး အသင်းကစားသမားအဖြစ်က ထုတ်ပယ်ကြောင်း ကြေညာပါတယ်။ Arena of Valor / ROV ကို တိုက်ရိုက် စီမံခန့်ခွဲတဲ့ ကုမ္ပဏီ ဖြစ်တဲ့ GARENA ကလည်း Tokyogurl ကို သူတို့စီစဉ်တဲ့ ပြိုင်ပွဲအားလုံးကို ယှဉ်ပြိုင်ခွင့် ပိတ်ပင်လိုက်ပါတယ်။
