နယူးကာဆယ်နောက်ခံလူ ဒန်ဘန်းဟာ ဆန်းဒါးလန်းနဲ့ပွဲမှာ နံရိုးကျိုးပြီး အဆုတ်ပါထိခဲ့လို့ ရက်သတ္တပတ် ခြောက်ပတ်ခန့် အနားယူရဖို့ ရှိပါတယ်။ဘန်း(၃၃ နှစ်)ဟာ ဆန်းဒါးလန်းကစားသမား မူကီလီနဲ့ ဘောလုံးလျှောထိုးဝင်လုချိန် ဒဏ်ရာရခဲ့တာဖြစ်တယ်။၅၀-၅၀ အနေအထားမှာ မူကီလီရဲ့ဒူးခေါင်းက ဘန်းကို တိုက်မိခဲ့တာဖြစ်ကာအခုဖြစ်စဉ်ကြောင့် ဒိုင်လူကြီးက မူကီလီကို အဝါကတ်ပြသခဲ့ပါတယ်။ဘန်းဟာ ကွင်းအတွင်း ဆက်ကစားဖို့ ကြိုးစားခဲ့ပေမဲ့ မိနစ်အနည်းငယ်အကြာမှာ ဖာဘီယန်ရှားနဲ့ လူစားလဲခံခဲ့ရပါတယ်။
နယူးကာဆယ်အသင်းနည်းပြ အက်ဒီဟောင်းက ပွဲအပြီးမှာ ဒန်ဘန်းကို ဆေးရုံပို့ခဲ့ရပြီး ပထမပိုင်းအပြီး အသက်ရှူဖို့ ခက်ခဲနေခဲ့တယ်လို့ ပြောခဲ့ပါတယ်။
