ထိုင်းစစ်တပ်က ကမ္ဘောဒီးယားနိုင်ငံ အနောက်မြောက်ပိုင်းရှိ ဆီရမ်ရိ(ပ်)ပြည်နယ်အထိ တိုးချဲ့လုပ်ဆောင်လာကြောင်း ကမ္ဘောဒီးယား ကာကွယ်ရေးဝန်ကြီးဌာနက ဒီဇင်ဘာ ၁၅ ရက်တွင် ပြောကြားခဲ့သည်။ ဒီဇင်ဘာ ၁၄ ရက် ညနေ ၆ နာရီအထိ ကမ္ဘောဒီးယား-ထိုင်း နယ်စပ်ပဋိပက္ခကြောင့် ကမ္ဘောဒီးယားအရပ်သား သေဆုံးသူ ၁၂ ဦးနှင့် အခြားဒဏ်ရာရသူ ၇၄ ဦး ရှိခဲ့ကြောင်း ကမ္ဘောဒီးယား ပြည်ထဲရေးဝန်ကြီးဌာနက ယင်းနေ့တွင်ပင် ပြောကြားခဲ့သည်။ ကမ္ဘောဒီးယား ကာကွယ်ရေးဝန်ကြီးဌာန ပြောရေးဆိုခွင့်ရှိသူ Maly Socheata က ဒီဇင်ဘာ ၁၄ ရက် သန်းခေါင်ယံမှ ဒီဇင်ဘာ ၁၅ ရက် နံနက်ပိုင်းအထိ ကမ္ဘောဒီးယားနယ်နိမိတ်အတွင်း နေရာအများအပြားကို ထိုင်းစစ်တပ်က လက်နက်ကြီးဖြင့် ဆက်တိုက်ပစ်ခတ်ခဲ့ကြောင်း သတင်းစာရှင်းလင်းပွဲတွင် ပြောကြားခဲ့သည်။
