နယ်စပ်တိုက်ပွဲအတွင်း အရပ်သားနေထိုင်ရာကို ကမ္ဘောဒီးယားက BM-21 ဒုံးကျည်များဖြင့် ပစ်ခတ်ခဲ့ကြောင်း ထိုင်းစစ်တပ်ပြော

ကမ္ဘောဒီးယားနှင့် ထိုင်းနယ်စပ်တိုက်ပွဲ ဆက်လက်ဖြစ်ပွားနေရာ ဒီဇင်ဘာ၁၄ရက် မနက် ၁၂ နာရီ ဝန်းကျင်တွင် ကမ္ဘောဒီးယားဘက်မှ BM-21 ဒုံးကျည်များဖြင့် အရပ်သားများနေထိုင်ရာနေရာကို ပစ်ခတ်ခဲ့ခြင်းကြောင့် ထိုင်းပြည်သူတစ်ဦး သေဆုံးပြီး နေအိမ်တချို့ မီးလောင်ပျက်စီးခဲ့ကြောင်း ထိုင်းစစ်တပ်က ထုတ်ပြန်ခဲ့သည်။ တစ်ချိန်တည်းမှာပင် ကမ္ဘောဒီးယားအမျိုးသားကာကွယ်ရေးဝန်ကြီးဌာနက နယ်စပ်ဒေသတွင် ထိုင်း၏ တိုက်ခိုက်မှုများသည် ဒီဇင်ဘာ၁၄ရက် မနက်ပိုင်းမှ မွန်းလွဲပိုင်းအထိ ဆက်လက်ရှိနေသေးကြောင်း သတင်းထုတ်ပြန်ခဲ့သည်။