၃၃ ကြိမ်မြောက် SEA Games တိုက်ကွမ်ဒိုပြိုင်ပွဲတွင် အမျိုးသမီး (၆၂-၆၇) ကီလိုတန်း၌ ကေသွယ်မွန်လင်း ငွေတံဆိပ်ဆွတ်ခူး

ထိုင်းနိုင်ငံတွင် ကျင်းပနေသော (၃၃) ကြိမ်မြောက် အရှေ့တောင်အာရှအားကစားပြိုင်ပွဲ (SEA Games) တွင် ဒီဇင်ဘာလ ၁၁ ရက်နေ့က ကျင်းပခဲ့သည့် တိုက်ကွမ်ဒိုအားကစားနည်း၊ အမျိုးသမီး (၆၂-၆၇) ကီလိုတန်း ဗိုလ်လုပွဲ၌ မြန်မာနိုင်ငံကိုယ်စားပြု ကေသွယ်မွန်လင်းသည် အိမ်ရှင် ထိုင်းကစားသမား Chareewan Piyachutrutai ကို (၂-၀) ဖြင့် ရှုံးနိမ့်ခဲ့သော်လည်း ငွေတံဆိပ်ဆုကို ဆွတ်ခူးရရှိခဲ့သည်။ မူလက ကမ္ဘောဒီးယားကစားသမားတစ်ဦး စာရင်းပေးသွင်းထားသော်လည်း နုတ်ထွက်သွားခဲ့သည့်အတွက် မြန်မာနှင့် ထိုင်းကစားသမားနှစ်ဦးတည်းသာ ဗိုလ်လုပွဲတွင် ယှဉ်ပြိုင်ခဲ့ရခြင်းဖြစ်ကြောင်း သိရသည်။