ပရိသတ်နဲ့တွေ့ဆုံပွဲမှာ ရုန်းရင်းဆန်ခတ်ဖြစ်ခဲ့လို့ မက်ဆီကို ပြည်နယ်ဝန်ကြီးချုပ် တောင်းပန်

အာဂျင်တီးနားနာမည်ကျော်ဘောလုံးသမား လီယွန်နယ်မက်ဆီနှင့် အိန္ဒိယနိုင်ငံ၊ ကိုးလ်ကတ္တားမြို့ရှိ Salt Lake Stadium ၌ ပြုလုပ်ခဲ့သော ပရိသတ်တွေ့ဆုံပွဲတွင် မက်ဆီက မူလအစီအစဉ်ထက် စောစွာ ပြန်သွားခဲ့ခြင်းကြောင့် ပရိသတ်များ ဒေါသပေါက်ကွဲပြီး ရေပုလင်းများဖြင့် ပစ်ပေါက်ခြင်း၊ ထိုင်ခုံများ ရိုက်ချိုးခြင်းနှင့် ကွင်းထဲသို့ ဝင်ရောက်ခြင်းတို့ ပြုလုပ်ခဲ့ရာ လုံခြုံရေးရဲတပ်ဖွဲ့ဝင်များနှင့် ရုန်းရင်းဆန်ခတ်ဖြစ်ခဲ့သည်။ ယင်းဖြစ်ရပ်အပေါ် အနောက်ဘင်ဂေါပြည်နယ်ဝန်ကြီးချုပ် မာမာတာဘာနာဂျီးက "လီယွန်နယ်မက်ဆီကို ရိုးသားစွာတောင်းပန်ပါတယ်။ ဒီကံမကောင်းတဲ့ဖြစ်ရပ်အတွက် အားကစားချစ်သူအားလုံးနဲ့ သူ့ရဲ့ပရိသတ်တွေ အပါအဝင်ပေါ့" ဟု လူမှုကွန်ရက်မှတစ်ဆင့် ချက်ချင်းတောင်းပန်ခဲ့သည်ဟု သိရသည်။