ကျိုက်ထိုမြို့နယ်တွင် ပြည်သူ့ပါတီကိုယ်စားလှယ်လောင်းများ၏ မဲဆွယ်ဆိုင်းဘုတ် ဖျက်ဆီးခံရ

မွန်ပြည်နယ်၊ ကျိုက်ထိုမြို့နယ်၊ ဖက္ကလိပ်ကျေးရွာ အုပ်ချုပ်ရေးမှူးရုံးရှေ့တွင် ထောင်ထားသည့် ပြည်သူ့ပါတီကိုယ်စားလှယ်လောင်းများ၏ မဲဆွယ်ဆိုင်းဘုတ်သည် ဒီဇင်ဘာ ၁၂ ရက် နံနက်ပိုင်းက ဖျက်ဆီးခံထားရကြောင်း ပါတီတာဝန်ရှိသူများထံမှ သိရသည်။ အဆိုပါဖြစ်စဉ်နှင့်ပတ်သက်၍ ပါတီတာဝန်ရှိသူများက သက်ဆိုင်ရာသို့ အသိပေးအကြောင်းကြားထားပြီး လက်ရှိတွင် စုံစမ်းစစ်ဆေးမှုများ လုပ်ဆောင်နေပြီဖြစ်ကြောင်း သိရသည်။