တိုင်းဒေသကြီးနှင့် ပြည်နယ်အဆင့် အွန်လိုင်းလိမ်လည်မှုနှင့် လောင်းကစားတိုက်ဖျက်ရေးကော်မတီများကို ဆက်လက်ဖွဲ့စည်းသွားမည်

ပြည်ထဲရေးဝန်ကြီးဌာန ပြည်ထောင်စုဝန်ကြီး ဒုတိယဗိုလ်ချုပ်ကြီးက တိုင်းဒေသကြီး သို့မဟုတ် ပြည်နယ်အွန်လိုင်းလိမ်လည်မှုနှင့် အွန်လိုင်းလောင်းကစားမှု တိုက်ဖျက်ရေးကော်မတီများကို ဆက်လက်ဖွဲ့စည်းသွားမည်ဖြစ်ကြောင်း နေပြည်တော်ရှိ မြန်မာနိုင်ငံရဲတပ်ဖွဲ့ဌာနချုပ်၊ အရိန္ဒမာခန်းမတွင် ကျင်းပသည့် အွန်လိုင်းလိမ်လည်မှုနှင့် အွန်လိုင်းလောင်းကစားမှုများ တိုက်ဖျက်ရေးကြီးကြပ်မှုဗဟိုကော်မတီအစည်းအဝေး၌ ပြောကြားခဲ့သည်။ ပြည်ထောင်စုဝန်ကြီးက ပြည်ထောင်စုနယ်မြေအဆင့်နှင့် တိုင်းဒေသကြီး/ပြည်နယ်အဆင့် ကော်မတီများကို ဆက်လက်ဖွဲ့စည်းကာ အွန်လိုင်းမှတစ်ဆင့် ပြုလုပ်သည့် ရာဇဝတ်မှုများကို တိုက်ဖျက်သွားမည်ဖြစ်ကြောင်း ပြောကြားခဲ့သည်။