ဂျပန်နိုင်ငံ၊ တိုကျိုမြို့ ဆူမီဒါရပ်ကွက်ရှိ အရွယ်ရောက်ပြီးသူတွေအတွက် သီးသန့်ဖျော်ဖြေရေးလုပ်ငန်းတစ်ခုရဲ့ရေခဲသေတ္တာထဲမှာ ကလေးငယ်တစ်ဦးရဲ့ဦးခေါင်း၊ လက်မောင်းနဲ့ ခြေထောက်အပိုင်းအစတွေကို တွေ့ရှိခဲ့ရတယ် လို့ ရဲတပ်ဖွဲ့က ပြောကြားပါတယ်။ ဒီအကြောင်းကို ဒီဇင်ဘာလ ၆ ရက် ဒေသစံတော်ချိန် ည ၉ နာရီ (စင်ကာပူစံတော်ချိန် ည ၈ နာရီ) ခန့်မှာ လုပ်ငန်းမှ ဝန်ထမ်းတစ်ဦးက ရေခဲသေတ္တတာထဲမှာ ကလေးငယ်ဦးခေါင်းနဲ့တူတဲ့အရာတစ်ခုကို တွေ့ရှိခဲ့တယ်လို့ ဆိုကာ တိုကျိုရဲတပ်ဖွဲ့ဆီ ဖုန်းခေါ်ဆို တိုင်ကြားခဲ့တာဖြစ်ပါတယ်။ သေဆုံးနေတဲ့ကလေးငယ်ဟာ အသက်တစ်နှစ်အောက် အရွယ်ပဲ ရှိမယ်လို့ ခန့်မှန်းထားကြပါတယ်။
လက်ရှိတော့ ကလေးရဲ့အမည်နဲ့ ဘယ်လိုသေဆုံးခဲ့တယ်၊ ဘာအတွက်နဲ့ အင်္ဂါအစိတ်အပိုင်းတွေကို သိမ်းဆည်းထားတယ်ဆိုတာကိုတော့ စုံစမ်းစစ်ဆေးနေဆဲ ဖြစ်ပါသည်။
