လသာမြို့နယ်တွင် ယာယီနေရပ်စွန့်ခွာပြည်သူ ၂၈၆ ဦးအား သုံးလစာ ထောက်ပံ့ငွေပေးအပ်

ရန်ကုန်တိုင်းဒေသကြီး၊ ကျောက်တံတားခရိုင် လသာမြို့နယ်အတွင်းသို့ ဒေသအသီးသီးမှ အကြမ်းဖက်ဖြစ်စဉ်များကြောင့် ယာယီနေရပ်စွန့်ခွာနေရသူများအား အမျိုးသားသဘာဝဘေးအန္တရာယ်ဆိုင်ရာ စီမံခန့်ခွဲမှုရန်ပုံငွေမှ ထောက်ပံ့ငွေများ ပေးအပ်ခြင်းကို ယနေ့ ဒီဇင်ဘာ ၁၁ ရက် ညနေပိုင်းက မြို့နယ်အထွေထွေအုပ်ချုပ်ရေး ဦးစီးဌာနရုံး၌ ပြုလုပ်ခဲ့သည်။ မြို့နယ်စီမံခန့်ခွဲရေးနှင့် အုပ်ချုပ်ရေးကော်မတီဥက္ကဋ္ဌနှင့် တာဝန်ရှိသူများက ယာယီနေရပ်စွန့်ခွာပြည်သူ စုစုပေါင်း ၂၈၆ ဦးတို့အား ဇူလိုင်လ၊ သြဂုတ်လ၊ စက်တင်ဘာလ သုံးလစာအတွက် တစ်ဦးလျှင် ငွေကျပ် ခြောက်သောင်းနှုန်းဖြင့် စုစုပေါင်း ငွေကျပ် (၁၇,၁၆၀,၀၀၀) ကို ထောက်ပံ့ပေးအပ်ခဲ့ကြောင်း သိရှိရသည်။