ဟားခါးလေး -ဟားခါး လမ်း၊ ကလေး -တီးတိန်-ရိဒ်လမ်း ၊ ဂန့်ဂေါ-ရေဇွာလမ်း ၊ ထန်တလန်-ဇိုဖေ-နှာရိန်-ရေဇွာလမ်း၊ ရေဇွာ-မတူပီလမ်း ၊ချင်းလုံ-ရိဒ် လမ်း၊ ချင်းလုံ -ဟားခါးလမ်းတွေဟာ မိုးတွင်းကာလအတွင်း မိုးဆက်တိုက် ရွာသွန်းတာကြောင့် လမ်းတွေဟာ ပျက်စီးလျက်ရှိနေတယ်လို့လည်း ဝန်ကြီး ဆလိုင်းဇထောင်းက ပြောပါတယ်။ ချင်းပြည်နယ်အတွင်း ပျက်စီးနေတဲ့လမ်းတွေကို ချင်းပြည်(Chinland)အစိုးရနှင့် ဒေသန္တရအစိုးရတို့ မှပူးပေါင်းပြီး လူထုအဓိက အသုံးပြုနေတဲ့လမ်းအချို့ ကို တတ်နိုင်သမျှ ပြုပြင်လျက်ရှိနေတယ်လို့လည်း Chinland Council ကဖွဲ့စည်းထားတဲ့ ချင်းပြည်(Chinland) အစိုးရ ၊ ဆောက်လုပ်ရေးဝန်ကြီးဌာနက ဒီကနေ့ ဒီဇင်ဘာလ ၁၁ ရက်နေ့မှာ ထုတ်ပြန်ပါတယ်။
