မနေ့ ဒီဇင်ဘာ ၉ ရက် ည ၇ နာရီခွဲမှာတအာင်းဒေသ နမ့်ဆန်မြို့မှာ မြေတူးစက်ကို တင်လာတဲ့ ကားတစ်စီးက အိမ်တစ်အိမ်ကို ဝင်တိုက်တာကြောင့် နေအိမ်ပျက်စီးတဲ့အပြင် အိမ်ရှင်အမျိုးသမီးတစ်ဦးလည်း ဒဏ်ရာရခဲ့ကြောင်း ဖြစ်စဉ်သိရှိသူတစ်ဦးရဲ့ ပြောပြချက်အရ သိရပါတယ်။လက်ရှိမှာတော့ ဒဏ်ရာရသူ အမျိုးသမီးကို ဆေးကုသဖို့ မန္တလေးဆေးရုံသို့ ပို့ဆောင်လိုက်ပြီလို့လည်း ဆိုပါတယ်။လမ်းကျဉ်းလွန်းတဲ့ နမ့်ဆန်မြို့မှာ ယာဉ် မတော်တဆ မကြာခဏဖြစ်ပွားနေတာကြောင့် ယာဉ်တွေကို ဂရုတစိုက်မောင်းကြဖို့ နမ့်ဆန်ဒေသခံတွေက တောင်းဆိုထားကြပါတယ်။
