၂၀၂၅ ဆီးဂိမ်းစ်ဖွင့်ပွဲအခမ်းအနား ဘန်ကောက်တွင်ခမ်းနားစွာကျင်းပ

အရှေ့တောင်အာရှ၏ အကြီးဆုံးအားကစားပွဲတော်ကြီးဖြစ်သော (၃၃) ကြိမ်မြောက် ဆီးဂိမ်းစ်ပြိုင်ပွဲကို ၂၀၂၅ ခုနှစ်၊ ဒီဇင်ဘာ ၉ ရက်နေ့က ထိုင်းနိုင်ငံ၊ ဘန်ကောက်မြို့ရှိ ရာဇမင်္ဂလာ အကြီးတန်းအားကစားကွင်း တွင် စည်ကားသိုက်မြိုက်စွာ ဖွင့်လှစ်ကျင်းပခဲ့သည်။ဒီဇင်ဘာ ၉ ရက်မှ ၂၀ ရက်အထိ ကျင်းပမည့် ဤအားကစားပွဲတော်တွင် အာဆီယံ ၁၁ နိုင်ငံမှ အားကစားသမား ၉,၃၀၀ ကျော် ပါဝင်ယှဉ်ပြိုင်ကြမည်ဖြစ်သည်။ ပြိုင်ပွဲ၌ အားကစားနည်း ၅၀ မျိုးနှင့် ပွဲစဉ်ပေါင်း ၅၇၀ ကျော် ပါဝင်မည်ဖြစ်ပြီး အားကစားချစ်သူများအတွက် စိတ်လှုပ်ရှားဖွယ်ရာ ပွဲတော်ကြီးတစ်ခု ဖြစ်လာမည်ဖြစ်သည်။