တောင်ကိုရီးယား လက်ရွေးစင်အသင်းခေါင်းဆောင် ဆွန်ဟောင်မင်ကို ခြိမ်းခြောက်ငွေညှစ်ခဲ့သူ အမျိုးသမီးအား ထောင်ဒဏ် ၄ နှစ် ချမှတ်

တောင်ကိုရီးယားတရားရုံးတစ်ရုံးက နိုင်ငံလက်ရွေးစင်အသင်းခေါင်းဆောင် ဆွန်ဟောင်မင်ကို ခြိမ်းခြောက်ငွေညှစ်မှုဖြင့် အသက် ၂၀ ကျော်အရွယ်ရှိ အမျိုးသမီးတစ်ဦးအား ထောင်ဒဏ်လေးနှစ် ချမှတ်ခဲ့ကြောင်း သိရသည်။ အဆိုပါအမျိုးသမီးနှင့် သူမ၏ အသက် ၄၀ ကျော်အရွယ်ရှိ ကြံရာပါအမျိုးသားတို့သည် ဆွန်ဟောင်မင်နှင့်ရသည့် ကိုယ်ဝန်ဆောင်ထားသည်ဟု ခြိမ်းခြောက်ကာ ဝမ် သန်း ၃၀၀ (အမေရိကန်ဒေါ်လာ ၂ သိန်း) ကို တောင်းယူခဲ့ပြီး၊ အများပြည်သူရှေ့မှောက်ကို ချပြမည်ဟု ခြိမ်းခြောက်ခဲ့သည်။ ၎င်းအမျိုးသားသည် ငွေကြေးရရှိရန် ဆွန်ဟောင်မင်ထံ ၁၅ ကြိမ်ခန့် ခြိမ်းခြောက်ခဲ့သည်ဟု သိရပြီး၊ ၎င်းကြံရာပါအမျိုးသားကိုလည်း တရားရုံးက ထောင်ဒဏ် နှစ်နှစ် ချမှတ်ခဲ့သည်။ ဆွန်ဟောင်မင်သည် ယခုနှစ်တွင် ငွေကြေးပိုမိုတောင်းခံရသောကြောင့် ရဲတပ်ဖွဲ့ထံ တိုင်ကြားခဲ့ခြင်းဖြစ်ကြောင်း သိရသည်။