ထိုင်းနှင့် ကမ္ဘောဒီးယားတိုက်ပွဲပြင်းထန်၍ကမ္ဘောဒီးယားနယ်စပ်မှ ထိုင်းများကိုအမြန်ရွှေ့ပြောင်း

ဒီဇင်ဘာ ၈ ရက်၊ တနင်္လာနေ့တွင် ထိုင်း-ကမ္ဘောဒီးယားနယ်စပ်တစ်လျှောက်၌ လက်နက်ကိုင်တိုက်ခိုက်မှုများ ပြင်းထန်စွာ ပြန်လည်စတင်ခဲ့သည့်အတွက် ထိုင်းဘုရင့်တပ်မတော်က နယ်စပ်ပြည်နယ်များရှိ ဒေသခံပြည်သူများကို ၎င်းတို့၏နေရပ်များမှ ကုန်းတွင်းပိုင်း ဘေးကင်းရာနေရာများသို့ ချက်ချင်းရွှေ့ပြောင်းရန် ညွှန်ကြားခဲ့သည်။ တိုက်ပွဲများသည် ဘူရီယမ်၊ ဆီစာကတ်၊ ဆူရင်နှင့် အဘွန် ရက်ချက်ဌာနီ ပြည်နယ်လေးခုတွင် ဖြစ်ပွားခဲ့သည်။ ဆခေါ်ဝ်ခရိုင်ရှိ လူထုခေါင်းဆောင်များက ဒေသခံများကို အဝတ်အစား၊ ဆေးဝါးနှင့် သက်သေခံလက်မှတ်များ အသင့်ပြင်ဆင်ကာ ထွက်ခွာကြရန် ကြေညာခဲ့ပြီး၊ သဘာဝဘေးအန္တရာယ် ကာကွယ်ရေးဌာနကလည်း အန္တရာယ်ရှိနိုင်ကြောင်း မိုဘိုင်းလ်ဖုန်းမက်ဆေ့ချ်များမှတစ်ဆင့် သတိပေးခဲ့သည်။ တနင်္ဂနွေနေ့မှစ၍ နှစ်ရက်ကြာ တိုက်ပွဲများအတွင်း ထိုင်းစစ်သားတစ်ဦး သေဆုံးပြီး ရှစ်ဦး ဒဏ်ရာရရှိခဲ့ကြောင်း အတည်ပြုခဲ့ပြီး၊ ထိုင်းလေယာဉ်များကလည်း စစ်ဘက်ဆိုင်ရာပစ်မှတ်များကို လက်တုံ့ပြန်တိုက်ခိုက်ခဲ့ကြောင်း သိရသည်။