ပြီးခဲ့တဲ့ နိုဝင်ဘာလ ၃၀ ရက်နေ့က မြန်မာဘက်က ပစ်ခတ်လိုက်တဲ့ လက် နက်ကြီးကျည်နဲ့ကျည်ဆန်တွေ ထိုင်းနိုင်ငံဘက်ခြမ်းကို ကျရောက်ပေါက်ကွဲခဲ့ပြီး ဒေသခံပြည်သူတွေ ထိခိုက်ဒဏ်ရာရရှိခဲ့တာကြောင့် ထိုင်းစစ်တပ်က လုံခြုံရေးအကြောင်းပြချက်နဲ့ မြဝတီ-မဲဆောက်ဒေသမှာရှိတဲ့ လှေဂိတ်တွေကို (၇) ရက်ပိတ်လိုက်ပါတယ်။ထိုင်းဘက်က သတ်မှတ်ထားတဲ့ရက်ပြည့်လို့ ကုန်စည်ပို့ဆောင်တဲ့ လှေဂိတ်တွေပြန်ဖွင့်ပေးချိန်မှာ မြန်မာဘက်က လှေဂိတ်ပိုင်ရှင်တွေကို ကြိုတင်အသိ ပေးပြောဆိုတာမျိုးမရှိဘဲ ပြန်ပိတ်လိုက်တာဖြစ်တယ်လို့ မြန်မာကုန်သည်တစ်ဦးက ဆိုပါတယ်။ထိုင်း-မြန်မာ နှစ်နိုင်ငံ ကုန်စည်ပို့ဆောင်နေတဲ့ လှေဂိတ်တွေ ပိတ်ထားတာကြောင့် မြဝတီမြို့မှာ ထိုင်းနိုင်ငံထုတ် ကုန်ပစ္စည်းတွေ ဈေးနှုန်းမြင့်တက်လာတယ်လို့ ဒေသခံတွေဆီက သိရပါတယ်။
