သိန်း ၁၀၀၀ အထက် ရောင်းဝယ်မှုအတွက် သတင်းပေးပို့ခြင်းမရှိသည့် ရွှေဆိုင်များကို လိုင်စင်ပိတ်သိမ်းကာ အရေးယူမည်

ရန်ကုန်တိုင်း အဖိုးတန်သတ္တု(ရွှေ) ရောင်းဝယ်သူများအသင်း၏ ကြေညာချက်ထုတ်ပြန်ရာ၌ ရွှေဆိုင်များသည် ငွေကျပ် သိန်း ၁,၀၀၀ အထက် အရောင်းအဝယ်ပြုလုပ်ပါက ငွေကြေးဆိုင်ရာ စုံစမ်းထောက်လှမ်းရေးအဖွဲ့ (AML/CFT) သို့ မပျက်မကွက် သတင်းပေးပို့ရမည်ဖြစ်ပြီး၊ သတင်းပေးပို့ခြင်းမရှိသည့် ဆိုင်များကို လိုင်စင်ပိတ်သိမ်းကာ အရေးယူမည်ဟု အသိပေးလိုက်သည်။ ထို့ပြင် သိန်း ၂၀၀ ကျော်ပါကလည်း (MMQR) စနစ်ဖြင့် ငွေပေးချေမှုများ ပြုလုပ်ရမည်ဖြစ်ကာ၊ သက်ဆိုင်ရာအဖွဲ့အစည်းများက စည်းကမ်းလိုက်နာမှုရှိမရှိကို တစ်လတစ်ကြိမ် လိုက်လံစစ်ဆေးသွားမည်ဟု ဖော်ပြထားသည်။