ကိုရီးယားရောက် မြန်မာအလုပ်သမား ၂၅ ဦးအား မီးလောင်မှုကြောင့် ဆုံးရှုံးခဲ့သော နိုင်ငံကူးလက်မှတ်အသစ်များ ဆိုးလ်ရှိ မြန်မာသံရုံးက ပြန်လည်ထုတ်ပေး

ကိုရီးယားနိုင်ငံ၊ ဂျော်လာတောင်ပိုင်းပြည်နယ်၊ မုတ်ဖိုမြို့ရှိ မိုးပျံရထားလမ်း ဆောက်လုပ်ရေးလုပ်ငန်းခွင်တွင် EPS စနစ်ဖြင့် လာရောက်လုပ်ကိုင်နေကြသော မြန်မာအလုပ်သမား ၂၅ ဦးတို့သည် လုပ်ငန်းခွင်လုပ်ကိုင်နေစဉ်အတွင်း ၎င်းတို့၏ အိပ်ဆောင်များ မတော်တဆမီးသင့်ခဲ့ခြင်းကြောင့် နိုင်ငံကူးလက်မှတ်များ ဆုံးရှုံးခဲ့သည်။ ထိုသို့ဆုံးရှုံးခဲ့သည့်အတွက် ဆိုးလ်မြို့ရှိ မြန်မာသံရုံးမှ အဆိုပါအလုပ်သမားများအားလုံးအတွက် နိုင်ငံကူးလက်မှတ်အသစ်များကို ၂၀၂၅ ခုနှစ်၊ ဒီဇင်ဘာ ၆ ရက်တွင် ပြန်လည်ပြုလုပ် ထုတ်ပေးခဲ့ကြောင်း သံရုံးက ထုတ်ပြန်ခဲ့သည်။