ပဲခူးမြို့၌ ဒီဇင်ဘာလ စုပေါင်းလမ်းလျှောက်ပွဲတွင် ပါဝင်သူများအား ဂုဏ်ပြုသည့်အနေဖြင့် ကံစမ်းမဲများ ဖောက်ပေး

ပဲခူးမြို့တွင် ဒီဇင်ဘာ ၆ ရက် နံနက်ပိုင်းက ကျင်းပခဲ့သည့် ဒီဇင်ဘာ အားကစားလ လူထုစုပေါင်းလမ်းလျှောက်ပွဲတွင် ပါဝင်ခဲ့ကြသူများအား ဂုဏ်ပြုသည့်အနေဖြင့် ကံစမ်းမဲများ ဖောက်ပေးခဲ့ကြောင်း သိရသည်။ အဆိုပါ စုပေါင်းလမ်းလျှောက်ပွဲကို ပဲခူးတိုင်းဝန်ကြီးချုပ် ဦးမျိုးဆွေဝင်းနှင့် ဇနီး၊ တာဝန်ရှိသူများအပြင် ပဲခူးမြို့နေသူများစွာတို့က အမှတ် (၃) အခြေခံပညာအထက်တန်းကျောင်းရှေ့မှ စတင်ကာ စုပေါင်းလမ်းလျှောက်ခဲ့ကြပြီး ဘောလုံးကွင်းအတွင်း၌ စုပေါင်းကိုယ်လက်ကြံ့ခိုင်ရေး လေ့ကျင့်ခန်းများ ပြုလုပ်ခဲ့ကြောင်း သိရသည်။