ထိုင်းနိုင်ငံ၊ ပထုန်ဌာနီခရိုင်ရှိ မွန်နွယ်ဖွား ၅၀၀ ကျော်သည် ကံတော်ကုန်သွားသည့် ထိုင်းဘုရင်၏ မိခင် မိဖုရားကြီး သိရိခေတ်ကို လွမ်းဆွတ်အောက်မေ့ ဂုဏ်ပြုသည့်အနေဖြင့် မွန်ရိုးရာအကဖြင့် ဖျော်ဖြေခဲ့ကြကြောင်း ထိုင်းသတင်းများက ဖော်ပြသည်။ ပထုန်ဌာနီခရိုင် မြို့နယ် ၇ ခုလုံးမှ မွန်အသိုင်းအဝိုင်းက ဦးဆောင်၍ မြို့တော် Thepphatum ပန်းခြံတွင် အခမ်းအနား ပြုလုပ်ခဲ့ခြင်းဖြစ်ပြီး၊ မိဖုရားကြီး၏ ထိုင်းနိုင်ငံအပေါ် ဆောင်ရွက်ပေးခဲ့မှုများအတွက် ဂုဏ်ပြုကာ မွန်လူမျိုးများ၏ သစ္စာစောင့်သိမှုကို ပြသသည့် အထိမ်းအမှတ် အခမ်းအနားဖြစ်ကြောင်း ပထုန်ဌာနီခရိုင် စီမံအုပ်ချုပ်ရေးအဖွဲ့၏ အထူးအကြံပေး ဖိုင်ရတ်က ပြောသည်။ အဆိုပါ အခမ်းအနားတွင် လူပေါင်း ၁၂၀ ကျော်ပါဝင်သည့် မွန်ရိုးရာဆိုင်းဝိုင်း တီးခတ်ဖျော်ဖြေခဲ့သည်။
