ထိုင်းနိုင်ငံမှာ ကျင်းပနေတဲ့ (၃၃)ကြိမ်မြောက် ဆီးဂိမ်းစ်ပြိုင်ပွဲမှာ မြန်မာအမျိုးသား၊ အမျိုးသမီးဘောလုံးအသင်းတွေရဲ့ အုပ်စုအဖွင့်ပွဲတွေကို ဒီနေ့ ယှဉ်ပြိုင်ကစားရမှာဖြစ်ပါတယ်။အမျိုးသားဘောလုံးအသင်းက မြန်မာစံတော်ချိန် ညနေ (၅း၃၀)နာရီမှာ ဖိလစ်ပိုင်အသင်းနဲ့ ယှဉ်ပြိုင်ရမှာဖြစ်သလို၊ အမျိုးသမီးဘောလုံးအသင်းကလည်း မြန်မာစံတော်ချိန် ညနေ (၃း၃၀)နာရီမှာ ဖိလစ်ပိုင်အမျိုးသမီးအသင်းနဲ့ပဲ ယှဉ်ပြိုင်ရမှာဖြစ်ပါတယ်။အမျိုးသားဘောလုံးပြိုင်ပွဲမှာ အသက်(၂၂)နှစ်အောက် ယူ-၂၂ အသင်းတွေသာ ယှဉ်ပြိုင်ရတာဖြစ်ပြီး မြန်မာအသင်းဟာ အုပ်စု(C)မှာ အင်ဒိုနီးရှား၊ ဖိလစ်ပိုင်တို့နဲ့အတူ ကျရောက်နေပါတယ်။အမျိုးသမီးဘောလုံးပြိုင်ပွဲမှာတော့ လက်ရွေးစင်အဆင့်အဖြစ် အသက်ကန့်သတ်မထားဘဲ ယှဉ်ပြိုင်ရတာဖြစ်ပြီး မြန်မာအသင်းဟာ အုပ်စု(B)မှာ ဗီယက်နမ်၊ ဖိလစ်ပိုင်၊ မလေးရှားတို့နဲ့အတူ ကျရောက်နေပါတယ်။
