လာအိုနှင့် ဗီယက်နမ်တို့သည် အထူးဆက်ဆံရေးကို အဆင့်မြှင့်တင်ရန် သဘောတူ

လာအိုနှင့် ဗီယက်နမ်နိုင်ငံတို့သည် ဒီဇင်ဘာ ၁ ရက်မှ ၂ ရက်အထိ ဗီယက်နမ်ကွန်မြူနစ်ပါတီ ဗဟိုကော်မတီ အတွင်းရေးမှူး တောလမ်း၏ လာအိုသို့ နိုင်ငံတော်ခရီးစဉ်အတွင်း "ကြီးမြတ်သော မိတ်ဖက်၊ အထူး စည်းလုံးညီညွတ်မှု၊ နယ်ပယ်စုံ ပူးပေါင်းဆောင်ရွက်မှုနှင့် နိုင်ငံရေးဗျူဟာမြောက် မိတ်ဖက်ဆက်ဆံရေး" အဖြစ် ၎င်းတို့၏ ရှည်ကြာလှသော ဆက်ဆံရေးကို အဆင့်မြှင့်တင်ရန် သဘောတူညီခဲ့ကြသည်။ ဤခရီးစဉ်ကို လာအိုပြည်သူ့ဒီမိုကရက်တစ်သမ္မတနိုင်ငံ နိုင်ငံတော်သမ္မတနှင့် လာအိုပြည်သူ့ တော်လှန်ရေးပါတီ ဗဟိုကော်မတီ အတွင်းရေးမှူး သံလွန်စီစူလစ်မှ ဖိတ်ကြားချက်အရ ဆောင်ရွက်ခြင်းဖြစ်ပြီး လာအိုပြည်သူ့ဒီမိုကရက်တစ်သမ္မတနိုင်ငံတည်ထောင်ခြင်း ၅၀နှစ်ပြည့်အထိမ်းအမှတ်နှင့် ကိုက်ညီစေရန် စီစဉ်ခဲ့ခြင်း ဖြစ်သည်။