ဆီးဂိမ်းအမျိုးသားယူ-၂၃ ဘောလုံးပြိုင်ပွဲ အုပ်စုအဖွင့်ပွဲစဉ်တွေကို ဒီဇင်ဘာ ၃ရက်က စတင်ကျင်းပခဲ့ရာမှာ အိမ်ရှင် ထိုင်းနဲ့ ဗီယက်နမ်အသင်းတို့ အသီးသီးနိုင်ပွဲရခဲ့ကြပါတယ်။ အုပ်စု(ခ) အဖွင့်ပွဲမှာ ဗီယက်နမ်က လာအိုကို ၂-၁ဂိုးနဲ့ အနိုင်ရပြီး အုပ်စုကို ဦးဆောင်နေသလို အုပ်စု(က)မှာ ထိုင်းက တီမောကို ၆-၁ ဂိုးနဲ့ ဂိုးပြတ်အနိုင်ရခဲ့ပါတယ်။ ဆီးဂိမ်းအမျိုးသားယူ-၂၃ဘောလုံးပြိုင်ပွဲတွေကို ဒီဇင်ဘာ ၅ရက်မှာ ဆက်လက်ကျင်းပမှာဖြစ်ပြီး မြန်မာစံတော်ချိန် ညနေ ၅နာရီခွဲမှာ မြန်မာယူ-၂၃ နဲ့ ဖိလစ်ပိုင်ယူ-၂၃ တို့ ကစားမှာ ဖြစ်ပါတယ်။
