မနေ့က ထုတ်ပြန်လိုက်တဲ့ UNODC ရဲ့စစ်တမ်း ဟာ မြန်မာနိုင်ငံမှာ အခုနှစ် ဘိန်းဘိန်းစိုက်ပျိုးထုတ်လုပ်မှုဟာ ဆယ်စုနှစ် အတွင်း အမြင့်ဆုံးအဆင့်သို့ ရောက်ရှိလာခဲ့ပြီး ကမ္ဘာပေါ်မှာ မူးယစ်ဆေးဝါး ဖြန့်ဖြူးတဲ့ အဓိက နိုင်ငံတခု အဖြစ် ဆက်လက် ရပ်တည် နေကြောင်း ဖော်ပြခဲ့ပါတယ်။ကုလသမဂ္ဂ မူးယစ်ဆေးဝါးနှင့် ရာဇဝတ်မှုဆိုင်ရာ ရုံး (UNODC) က ဗုဒ္ဓဟူးနေ့မှာ ထုတ်ပြန်လာတဲ့ မြန်မာနိုင်ငံ ဘိန်းစစ်တမ်း ၂၀၂၅ အရ ဘိန်းစိုက်ပျိုးတဲ့ ဧရိယာဟာ ၂၀၂၄ ခုနှစ်မှာ ၁၇% တိုးလာခဲ့ပြီး ဟက်တာ ၅၃,၁၀၀ ( ၁၃၁,၂၁၂ ဧက) အထိ ရှိလာခဲ့ရာ၊ ၂၀၁၅ ခုနှစ် နောက်ပိုင်း အကြီးမားဆုံး နယ်မြေ ဧရိယာဖြစ်ခဲ့ပါတယ်။UNODC က မြန်မာနိုင်ငံကို ကမ္ဘာ့အကြီးဆုံး မက်သမ်ဖက်တမင်း (methamphetamine) ထုတ်လုပ်တဲ့ နိုင်ငံ အဖြစ်လည်း ဖော်ပြခဲ့သလိုအစီရင်ခံစာ အရ မြန်မာနိုင်ငံရှိ ဘိန်းစီးပွားရေး တန်ဖိုးဟာ ဒေါ်လာ ၆၄၁ သန်းမှ ၁.၀၅ ဘီလီယံ ခန့်ရှိပြီး ဒါဟာ ၂၀၂၄ ခုနှစ် စုစုပေါင်း ပြည်တွင်း ထုတ်ကုန် (GDP) ရဲ့ ၀.၉% မှ ၁.၄% ခန့် ရှိနေပါတယ်။
