ဗီယက်နမ်နိုင်ငံ၌ အပူပိုင်းမုန်တိုင်း Koto ချဉ်းကပ်လာမှုကြောင့် သင်္ဘောများအား အရေးပေါ် သတိပေးချက် ထုတ်ပြန်

ဗီယက်နမ်‌ရေပြင်အနီးသို့ အပူပိုင်းမုန်တိုင်း Koto ချဉ်းကပ်လာနေမှုကြောင့် အဆိုပါဒေသရှိ သင်္ဘောများအတွက် ချက်ချင်းအရေးပေါ်သတိပေးချက်များကို ညွှန်ကြားထားကြောင်း ဗီယက်နမ်သတင်းအေဂျင်စီက ဒီဇင်ဘာလ ၁ ရက်နေ့တွင် သတင်းထုတ်ပြန်ခဲ့သည်။ မုန်တိုင်း၏ အမြင့်ဆုံးလေတိုက်နှုန်းမှာ တစ်နာရီ ၇၄ ကီလိုမီတာရှိပြီး အနောက်ဘက်သို့ ရွေ့လျားနေကာ ဒီဇင်ဘာ ၃ ရက် ည ၇:၀၀ နာရီခန့်တွင် လေဖိအားနည်းရပ်ဝန်းတစ်ခုသို့ အားလျော့သွားမည်ဟု အမျိုးသားမိုးလေဝသနှင့် ဇလဗေဒ ကြိုတင်ခန့်မှန်းရေးစင်တာက ခန့်မှန်းထားသည်။ အဆိုပါမုန်တိုင်းသည် Gia Lai မှ Khanh Hoa အထိ အလယ်ပိုင်းပြည်နယ်များ၏ ကမ်းလွန်ပင်လယ်ပြင်တွင် လေပြင်းတိုက်ခတ်မှုများနှင့် ငါးမီတာအထိ အမြင့်ရှိနိုင်သော လှိုင်းလုံးများကြောင့် အန္တရာယ်ရှိသော အခြေအနေများ ဖြစ်ပေါ်စေနိုင်ကြောင်း ခန့်မှန်းထားသည်။