ဂျပန်သဘာဝပတ်ဝန်းကျင် ထိန်းသိမ်းရေးဝန်ကြီးဌာနက အခုဘဏ္ဍာရေးနှစ်ရဲ့ ထပ်ဆောင်းဘတ်ဂျက်မူကြမ်းမှာ ဝက်ဝံထိန်းချုပ်ရေးအစီအမံတွေအတွက် ယန်း ၃.၄ ဘီလီယံ တစ်နည်းအားဖြင့် အမေရိကန် ဒေါ်လာ ၂၂ သန်းလောက်ကို သတ်မှတ်ခဲ့ပါတယ်။ အဲဒီပမာဏက မနှစ်က ခွဲဝေသတ်မှတ်မှုထက် ၆ ဆကျော်ဖြစ်ပြီး၊ အခုချိန်အထိအတွင်းမှာ အများဆုံးဖြစ်ပါတယ်။ နိုင်ငံတစ်ဝန်း ဝက်ဝံတိုက်ခိုက်မှုတွေကြောင့် လူတွေ ထိခိုက်သေဆုံးတဲ့ အရေအတွက် အမြင့်ဆုံးကို ရောက်ရှိနေချိန်မှာ အခုလို လုပ်ဆောင်ချက် ထွက်ပေါ်လာတာ ဖြစ်ပါတယ်။ သတ်မှတ်ထားတဲ့သက်တမ်းပါ စာချုပ်တွေနဲ့ လိုင်စင်ရမုဆိုးတွေကို ငှားရမ်းဖို့အတွက် ဒေသန္တရအုပ်ချုပ်ရေးအဖွဲ့တွေကို ထောက်ပံ့ဖို့ ငွေကြေးတစ်ချို့ကို ခွဲဝေပေးမှာဖြစ်ကြောင်း သဘာဝပတ်ဝန်းကျင်ထိန်းသိမ်းရေးဝန်ကြီးဌာနက ပြောခဲ့ပါသည်။
