အထက်မြန်မာပြည် Amateur Open 2025 ဂေါက်သီးရိုက်ပြိုင်ပွဲ မန္တလေး၌ ကျင်းပမည်

မြန်မာနိုင်ငံဂေါက်သီးအားကစားအဖွဲ့ချုပ်၏ လမ်းညွှန်ကြီးကြပ်မှုဖြင့် အထက်မြန်မာပြည် ဂေါက်သီးအားကစားအဖွဲ့ချုပ် ဆပ်ကော်မတီက ကြီးမှူးကျင်းပမည့် Amateur Open 2025 ဂေါက်သီးရိုက်ပြိုင်ပွဲကို ဒီဇင်ဘာလ ၂ ရက်မှ ၄ ရက်နေ့အထိ မန္တလေးမြို့ရှိ ရွှေမန်းတောင်ဂေါက်ကွင်း၌ ပြုလုပ်သွားမည်ဖြစ်သည်။ အဆိုပါပြိုင်ပွဲကို R&A Rules Limited နှင့် USGA တို့၏ Rules of Golf 2023 စည်းမျဉ်းများအတိုင်း ကျင်းပမည်ဖြစ်ပြီး၊ ယခင်စာရင်းပေးသွင်းထားသည့် ဝါသနာရှင်အဆင့် (အမျိုးသား) H’Cap 0-12 အဆင့်ရှိသူများနှင့် (အမျိုးသမီး) ကစားသမားများသည် သက်ဆိုင်ရာ ဖုန်းနံပါတ်များသို့ ဆက်သွယ်ကာ အမည်စာရင်း ပြန်လည်အတည်ပြုရန် လိုအပ်မည်ဖြစ်ကြောင်း သိရသည်။