နိုဝင်ဘာလ ၂၈ ရက်နေ့ ၀၈နာရီအချိန် မူးယစ်ဆေးဝါးတားဆီးနှိမ်နင်းရေးရဲတပ်ဖွဲ့မှ တပ်ဖွဲ့ဝင်များပါဝင်သော ပူးပေါင်းအဖွဲ့သည် သက်သေများနှင့်အတူ လွိုင်လင်မြို့၊ ရပ်ကွက်(၂)၊ လွိုင်လင် - တောင်ကြီးသွားကားလမ်းတွင် မော်တော်ယာဉ်များအား စစ်ဆေးရှာဖွေစဉ် သက်ထွန်းအောင်(ခ)ရန်ကြီးအောင် မောင်းနှင်ပြီး ငြိမ်ချမ်းအောင် (ခ)နော်ဆိုင်း နှင့် သန်းနိုင်ဦး(ခ)အာရုဏ်ဦး တို့လိုက်ပါလာသည့် TOYOTA HILUX အမျိုးအစား မော်တော်ယာဉ်အား ရပ်တန့်စစ်ဆေးရှာဖွေရာ ယာဉ်ပေါ်မှ စိတ်ပြောင်းဆေးဝါး Happy Water အလေးချိန် ၂ ကီလို(ဒေသကာလတန်ဖိုးငွေကျပ်သိန်း ၂,၂၀၀)နှင့် လက်ကိုင်ဖုန်း ၄ လုံးတို့အား တွေ့ရှိသိမ်းဆည်းရမိခဲ့ပြီး ကွင်းဆက်ဖော်ထုတ်ချက်အရ ယင်းနေ့ ၁၁၀၀ အချိန် နော်ဆန်(ခ)အားဘုံ နေထိုင်သည့် လားရှိုးမြို့၊ ရပ်ကွက်(၅)ရှိ နေအိမ်အား ဆက်လက်ရှာဖွေရာ ၎င်းနှင့်အတူ အိုက်ထွန်း အားတွေ့ရှိပြီး နေအိမ်ခြံဝင်းအတွင်း ရပ်တန့်ထားသည့် TOYOTA MARK X အမျိုးအစား မော်တော်ယာဉ်ပေါ်မှ စိတ်ပြောင်းဆေးဝါး Happy Water အလေးချိန် ၈၀ ဂရမ်(ဒေသကာလတန်ဖိုးငွေကျပ်သိန်း ၄၀)နှင့် လက်ကိုင်ဖုန်း ၂ လုံးတို့အား ထပ်မံတွေ့ရှိ သိမ်းဆည်းရမိခဲ့သဖြင့် သက်ထွန်းအောင်(ခ)ရန်ကြီးအောင်(၃၆)နှစ်၊ ငြိမ်ချမ်းအောင်(ခ)နော်ဆိုင်း(၃၆)နှစ်၊ သန်းနိုင်ဦး(ခ)အာရုဏ်ဦး(၄၃)နှစ်၊ နော်ဆန်(ခ)အားဘုံ(၄၂)နှစ်နှင့် အိုက်ထွန်း(၃၂)နှစ်တို့အား သက်ဆိုင်ရာရဲစခန်းများတွင် မူးယစ်ဆေးဝါးနှင့် စိတ်ကိုပြောင်းလဲစေသောဆေးဝါးများဆိုင်ရာဥပဒေအရ အမှုဖွင့် အရေးယူထားရှိပြီး ကွင်းဆက်များ ဖော်ထုတ်လျက်ရှိပါတယ်။
