မြန်မာအမျိုးသမီးလက်ရွေးစင်ဘောလုံးအသင်း လက်ထောက်နည်းပြဒေါ်စန်းစန်းသိန်း ပရိုလိုင်စင် စာမေးပွဲအောင်မြင်ဟု ဦးဇော်ဇော် အတည်ပြု

ဂျပန်နိုင်ငံမှာ ပရိုလိုင်စင်စာမေးပွဲ Final Exam ဖြေဆိုထားတဲ့ ISPE Women FC နည်းပြချုပ် ဒေါ်စန်းစန်းသိန်း စာမေးပွဲ ဖြေဆိုအောင်မြင်ကြောင်း မြန်မာနိုင်ငံဘောလုံးအဖွဲ့ချုပ် ဥက္ကဌ ဦးဇော်ဇော်က (၈)ကြိမ်မြောက် MFF Congress မှာ အတည်ပြု ပြောကြားခဲ့ပါတယ်။ ဒေါ်စန်းစန်းသိန်းဟာ မြန်မာ့ဘောလုံးလောကမှာ ပထမဆုံး ပရိုလိုင်စင်ရ နည်းပြဖြစ်လာတဲ့အတွက်လည်း ဝမ်းမြောက် ဂုဏ်ယူမိကြောင်း ဦးဇော်ဇော်က ပြောပါတယ်။ လက်ရှိမှာတော့ ဒေါ်စန်းစန်းသိန်းဟာ ဆီးဂိမ်းဝင်ပြိုင်မယ့် မြန်မာအမျိုးသမီးလက်ရွေးစင်ဘောလုံးအသင်း လက်ထောက်နည်းပြအဖြစ် ဂျပန်နည်းပြ ယူကီနဲ့အတူ ပူးတွဲ တာဝန်ထမ်းဆောင်နေပါတယ်။