နေပြည်တော်၌ လိုင်စင်စာအုပ်အပွားဖြင့် ယာဉ်မောင်းသူ ဖမ်းဆီးခံရ

နေပြည်တော်နှင့် မကွေးတိုင်း၊ ဆိပ်ဖြူမြို့နယ်တို့တွင် စစ်တပ်ဖွဲ့များက လိုင်စင်မဲ့အိမ်စီးကားများကို လိုက်လံဖမ်းဆီးနေကြောင်း သိရသည်။ နေပြည်တော်၊ ဥတ္တရသီရိမြို့နယ်၊ မြို့တော်ဂေါက်ကွင်းအနီးတွင်  Land Cruiser အဖြူရောင်ကားတစ်စီးကို စစ်ဆေးရာ လိုင်စင်စာအုပ်အပွားဖြင့် လိုင်စင်မဲ့ဖြစ်နေသောကြောင့် ကားနှင့်အတူ ပိုင်ရှင် ပြည့်စုံမောင် (၃၄ နှစ်) အား ဖမ်းဆီးခဲ့ပြီး ပို့ကုန်သွင်းကုန်ဥပဒေပုဒ်မ ၈ ဖြင့် အရေးယူထားသည်။ ထို့အပြင် မကွေးတိုင်း၊ ဆိပ်ဖြူမြို့နယ်၊ အနော်ရထာတံတားတွင်လည်း ဘုန်းကြီးကျောင်း ဝေယျာဝစ္စသုံးရန် ဝယ်ယူထားသည့် Faw ကားတစ်စီးကို လိုင်စင်မရှိ၍ ဖမ်းဆီးခဲ့ပြီး၊ ကုသိုလ်ယူမောင်းနှင်သူ ကျော်သီဟ (၃၆ နှစ်) ပါ ဖမ်းဆီးခံရကြောင်း ဒေသခံများထံမှ သိရသည်။