မွန်ပြည်နယ်မှာ ပုဒ်မ ၅၀၅(က)နဲ့ ၁၂ ဦး ပြန်လွတ်လာ

မွန်ပြည်နယ်တွင် ရာဇသတ်ကြီး ဥပဒေ ပုဒ်မ ၅၀၅(က)နဲ့ လွတ်ငြိမ်းခွင့်ပေးတဲ့သူတွေထဲမှာ ၁၂ ဦး ပါဝင်တယ်လို့ အကျဉ်းထောင်နဲ့နီးစပ်သူတွေက ပြောပါတယ်။နိုင်ငံတော် အကြည်ညိုပျက်စေမှု ရာဇသတ်ကြီး ပုဒ်မ ၅၀၅(က)နဲ့ လူပေါင်းသုံးထောင်ကျော်ကို လွတ်ငြိမ်းသက်သာခွင့်ပေးအပ်လိုက်တယ်လို့ နိုဝင်ဘာ ၂၆ ရက်နေ့ ညပိုင်းမှာ ထုတ်ပြန်ပါတယ်။အဲဒီထဲမှာ မွန်ပြည်နယ် ကျိုက်မရောဗဟိုအကျဉ်းထောင်မှာ အကျဉ်းကျခံနေရတဲ့ အမျိုးသား လေးဦး၊ အမျိုးသမီး နှစ်ဦး၊ သထုံအကျဉ်းထောင်က အမျိုးသား ခြောက်ဦး ၊ စုစုပေါင်း ၁၂ ဦးကို လွတ်ငြိမ်းသက်သာခွင့် ပေးအပ်ခဲ့တာ ဖြစ်ပါသည်။