ကလန်းမြို့ လူနေတိုက်ခန်းတွေနဲ့ စီပန်းဈေးဝယ်စင်တာမှာ နိုဝင်ဘာလ ၂၅ ရက်နေ့ လူဝင်မှုကြီးကြပ်ရေးဌာန နဲ့ အာဏာပိုင်တွေက ဝင်ရောက်စစ်ဆေးရာ တရားဝင် အထောက်အထားမရှိတဲ့ နိုင်ငံခြားသား ၁၇ ဦး ဖမ်းဆီးခံရတာပါ။ဖမ်းဆီးခံရတဲ့နိုင်ငံခြားသားတွေမှာ မြန်မာ ၆ဦး၊ အင်ဒိုနီးရှား ၆ ဦး၊ တရုတ် ၂ ဦးနဲ့ ဘင်္ဂလားဒေ့ရှ် ၃ ဦး စုစုပေါင်း ၁၇ ဖမ်းဆီးခံရပါတယ်။ ဒါ့အပြင် ကလန်းမြို့၊ ကလန်းတိုက်ခန်း ၅ ခန်းမှာ နိုင်ငံခြားသား ၇၀၇ ဦးနဲ့ ဒေသခံနိုင်ငံသား ၁၅၄ ဦးတို့အပါဝင် လူ ၈၆၁ ဦးကို လဝကနဲ့ အာဏာပိုင်တွေက စစ်ဆေးခဲ့ပါတယ်။ဖမ်းဆီးခံရတဲ့နိုင်ငံခြားသားတွေဟာ ပါကစ္စတန် ၃၈ ဦး၊ မြန်မာ ၃၃ ဦး၊ ဘင်္ဂလားဒေ့ရှ် ၈ ဦး၊ အင်ဒိုနီးရှား ၁၁ ဦး၊ အိန္ဒိယ ၄ ဦး နဲ့ နီပေါ ၂ ဦးတို့ဖြစ်ပြီး ဖမ်းဆီးခံရသူတွေဟာ အသက် ၁၈ နှစ် မှ အသက် ၅၅ နှစ်ကြားဖြစ်တယ်လို့ သိရပါတယ်။အဲဒီဖမ်းဆီးထားတဲ့ တရားမဝင်နိုင်ငံခြားသား ၁၁၃ ဦး လူဝင်မူ ကြီးကြပ်ရေးအက်ဥပဒေ ၁၉၅၉၊ ၆၃ ဖြင့် အရေးယူသွားမယ်လို့ ဒီနေ့မနက်မှာ ထုတ်ပြန်ထားပါတယ်။
