လာအို-တရုတ် မီးရထားလမ်းသည် စံချိန်သစ်တစ်ရပ်ကို ထပ်မံရရှိခဲ့ပြီး ၂၀၂၅ ခုနှစ် ပထမ ၁၀ လအတွင်း သယ်ဆောင်ခဲ့သော ကုန်စည်ပမာဏသည် စံချိန်သစ်တင်နိုင်ခဲ့ကြောင်း တရုတ်နိုင်ငံ ယူနန်ပြည်နယ်ရှိ ကူမင်းအကောက်ခွန်မှ သတင်းထုတ်ပြန်ခဲ့သည်။စီအမ်ဂျီ FM 93 ၏ ထုတ်ပြန်ချက်အရ ၂၀၂၅ ခုနှစ် ဇန်နဝါရီလမှ အောက်တိုဘာလအတွင်း ထိုမီးရထားလမ်းမှ တင်ပို့/တင်သွင်းကုန်စည်စုစုပေါင်းပမာဏမှာ တန်ချိန် ၄.၅ သန်းခန့် (တန်ချိန် ၄,၅၀၆,၀၀၀) အထိ ရှိခဲ့ပြီး ယခင်နှစ် ကာလတူနှင့် နှိုင်းယှဉ်ပါက ၁၂.၈ ရာခိုင်နှုန်း တိုးတက်မှုရှိခဲ့ကြောင်း သိရသည်။
