အမေရိကန်စစ်တပ်က ချပေးသော ဒေါ်လာ ၄.၇ ဘီလီယံနီးပါးတန်ဖိုးရှိ နိုင်ငံခြားစစ်ဘက်ဆိုင်ရာ အရောင်းအဝယ်စာချုပ်အရ ပိုလန်လက်နက်ကိုင်တပ်ဖွဲ့များအတွက် Apache ရဟတ်ယာဉ်၉၆ စင်းအပါအဝင် နိုင်ငံတကာဖောက်သည်များအတွက် AH-64E Apache တိုက်ခိုက်ရေး ရဟတ်ယာဉ်များကို ထုတ်လုပ်ပေးမည် ဖြစ်ကြောင်း Boeing (BA.N)က ဗုဒ္ဓဟူးနေ့တွင် ပြောခဲ့သည်ဟု ရိုက်တာသတင်းကဖော်ပြခဲ့သည်။ ပို့ဆောင်ပေးမှုများကို ၂၀၂၈ ခုနှစ်တွင် စတင်မည်ဟု ဘိုးအင်းက ပြောသည်။ ပိုလန်၏ မှာယူမှုသည် Apache ရဟတ်ယာဉ်ထုတ်လုပ်မှုသမိုင်းတစ်လျှောက် အမေရိကန်ပြင်ပမှ အရေအတွက်အများဆုံးမှာယူမှုဖြစ်သည်။ လက်ရှိတွင် အမေရိကန်စစ်တပ်မှ ရဟတ်ယာဉ် ၈ စီးကို ငှားရမ်းထားသည့် ပိုလန်အမျိုးသား ကာကွယ်ရေးဝန်ကြီးဌာနသည် ထိုတိုက်ခိုက်ရေးရဟတ်ယာဉ်ပေါ်တွင် လေယာဉ်မှူးများနှင့် ထိန်းသိမ်းရေး ဝန်ထမ်းများကို လေ့ကျင့်ပေးနေပြီဟု Boeing က ပြောကြားခဲ့သည်။ကမ္ဘာတစ်ဝန်းတွင် Apache ရဟတ်ယာဉ် ၁,၃၀၀ ကျော် လက်ရှိအသုံးပြုလျက်ရှိကြောင်း Boeing ၏အဆိုအရ သိရသည်။ပင်တဂွန်က Boeing သည် ဒေါ်လာ ၇ ဘီလီယံကျော်တန်ဖိုးရှိ စာချုပ် ၂ ခုကို ရရှိခဲ့ပြီး ယင်းထဲတွင် ယင်းစာချုပ်တွင် အမေရိကန်ဒေါ်လာ ၄.၇ ဘီလီယံတန်ဖိုးရှိ Apache စာချုပ်နှင့် လေတပ်အတွက် Lot 12 ထုတ်လုပ်ရေးလေယာဉ်ဆိုင်ရာ ဒေါ်လာ ၂.၄ ဘီလီယံ စာချုပ်တို့ ပါဝင်ကြောင်း အင်္ဂါနေ့က ထုတ်ဖော် ပြောဆိုခဲ့သည်။လွန်ခဲ့သော လအနည်းငယ်အတွင်း Boeing သည် သြစတြေးလျတပ်မတော်၊ အိန္ဒိယတပ်မတော်နှင့် မော်ရိုကိုတော်ဝင်လေတပ်တို့အတွက် Apache ရဟတ်ယာဉ်အသစ်များကို ပို့ဆောင်ပေးခဲ့ပြီးဖြစ်သည်။
