ဘန်ကောက်နဲ့ ခရိုင် ၁၆ ခုမှာ လေထုညစ်ညမ်းမှုဟာ ကျန်းမာရေးကို ထိခိုက်တဲ့အဆင့်ရောက်နေ

ဘန်ကောက် အပါအဝင် အလယ်ပိုင်းလွင်ပြင်ဒေသနဲ့ အရှေ့မြောက်ပိုင်းဒေသက ခရိုင် ၁၆ ခုမှာ ဒီနေ့ နိုဝင်ဘာလ ၂၆ ရက်နေ့မှာ PM2.5 လေထုညစ်ညမ်းမှုဟာ ကျန်းမာရေးကို ထိခိုက်တဲ့အဆင့်ရောက်နေတယ်လို့ Geo-Informatics and Space Technology Development Agency (Gistda) က ထုတ်ပြန်ပါတယ်။ပြီးခဲ့တဲ့ ၂၄ နာရီအတွင်း လေထုတစ်ကုဗမီတာမှာ အချင်း ၂.၅ မိုက်ခရိုမီတာနဲ့ အဲဒီထက်ငယ်တဲ့ ဖုန်မှုန့် (PM2.5) ပမာဏဟာ ၃၈.၃ ကနေ ၄၇.၂ မိုက်ခရိုဂရမ်အကြား ရှိနေတယ်လို့ ဒီနေ့ နေ့လယ် ၁ နာရီမှာ Gistda က ပြောပါတယ်။ အစိုးရ သတ်မှတ်ထားတဲ့ ဘေးကင်းတဲ့ ပမာဏကတော့ ၃၇.၅ ဖြစ်ပါတယ်။ နိုဝင်ဘာလ ၂၆ နဲ့ ၂၇ ရက်နေ့တွေမှာ လေဝင်လေထွက် အခြေအနေက နေရာဒေသအလိုက် ဆိုးရွားတဲ့အဆင့်ကနေ ကောင်းမွန်တဲ့အဆင့်အထိ ရှိနိုင်ပေမယ့် နိုဝင်ဘာလ ၂၈ ရက်နေ့ကစပြီး နောက်တစ်ပတ် ဒီဇင်ဘာလ ၄ ရက်နေ့အထိ လေဝင်လေထွက် ဆိုးရွားမယ်လို့ မိုးလေဝသဌာန က ပြောထားပါတယ်။