မိန်နူးနှင့် ဇက်ဇီးတို့ ဇန်နဝါရီတွင် မန်ယူမှ ထွက်ခွါနိုင်ဖွယ်ရှိကြောင်း နည်းပြ အာမိုရင်မ် အရိပ်အမြွက်ပြောကြား

မန်ချက်စတာယူနိုက်တက်အသင်း နည်းပြ အာမိုရင်မ်က ပရီးမီးယားလိဂ်ပြိုင်ပွဲတွင် ပွဲထွက်ခွင့်မရဘဲ ကစားချိန်နည်းပါးနေသည့် ကွင်းလယ်လူ မိန်နူး နှင့် တိုက်စစ်မှူး ဇက်ဇီး တို့သည် လာမည့် ဇန်နဝါရီ အပြောင်းအရွှေ့ကာလတွင် အသင်းမှ ထွက်ခွာဖွယ်ရှိကြောင်း အရိပ်အမြွက် ပြောကြားခဲ့သည်။ နည်းပြက ကစားသမားများ၏ စိတ်ခံစားချက်ကို နားလည်သော်လည်း "အသင်းကသာ ပထမဦးစားပေးဖြစ်သည်" ဟု အခိုင်အမာ ပြောဆိုခဲ့သည်။ ထွက်ပေါ်နေသော သတင်းများအရ အင်္ဂလန်ကစားသမား မိန်နူးကို နာပိုလီ အသင်းနှင့် နယ်သာလန်ကစားသမား ဇက်ဇီးကို ရိုးမား အသင်းတို့က ခေါ်ယူရန် စိတ်ဝင်စားနေကြောင်း သိရသည်။